Connect with us

News

Kotu a Amurka ta hana gwamnati tilasta wa mutane yin rigakafin korona

Published

on

Spread the love

Daga Muhammad Muhammad zahraddin

Biden

Kotun Ƙolin Amurka ta yi watsi da umarnin da Shugaba Joe Biden ya bayar da ya tilasta wa ma’aikata yin rigakafin annobar korona a manyan kamfanoni.

Kazalika umarnin ya tilasta saka takunkumi da kuma yi wa ma’aikatan gwaji a duk mako.

Alƙalan kotun sun ce umarnin ya shallake ƙarfin ikon da shugaban ƙasar ke da shi.

Sai dai sun yanke hukuncin cewa za a iya ba da wani umarnin maras tsauri na yin rigakafi ga ma’aikata a asibocin gwamnati.

Advertisement

Gwamnatin Biden ta dage kan cewa tilashin zai taimaka wajen yaƙi da cutar.

Shugaba Biden wanda farin jininsa ke raguwa a ƙasar, ya bayyana rashin jin daɗinsa da hukuncin da ya “daƙile tunani mafi sauƙi da zai kare rayuwar ɗan Adam ga ma’aikata”.

Ya ƙara da cewa: “Ina kira ga jagororin ‘yan kasuwa da su yi koyi da waɗanda suka ɗauki matakai – ciki har da ɗaya bisa uku na kamfanonin Fortune 100 – don su kare ma’aikatansu da kwastomi da jama’ar yankunansu.”

Advertisement
Advertisement
Click to comment

Leave a Reply