Connect with us

Sport

Afcon 2021: Kamaru ta kammala wasannin rukuni ba a ci ta ba

Published

on

Daga Yasir Sani Abdullahi

 

 

Mai masaukin baƙi Kamaru ta kammala wasannin rukuni na A a mataki na ɗaya biyo bayan 1-1 da suka tashi da Cape Verde a birnin Yaounde a gasar Kofin Ƙasashen Afirka.

Vincent Aboubakar ne ya ci wa Kamaru ƙwallo da ƙafar hagu a minti na 39 da take wasa.

Sai kuma a minti na 53 Rodrigues ya farke inda ya saka ƙwallo a raga mai ƙayatarwa da gefen ƙafarsa bayan Rocha Santos ya bugo masa ita daga gefen dama.

Rabon da a doke Kamaru a birnin Yaounde tun 1988, kuma wannan nasarar ta sa za su ci gaba da kasancewa a birnin don buga wasan zagayen ‘yan 16 da wadda za ta fito daga rukunin C ko D ko E a matsayin ta uku.

Za a fara buga wasan zagayen ranar Litinin, 24 ga Janairu.

Share
Click to comment

Leave a Reply

Your email address will not be published. Required fields are marked *

Advertisement
Advertisement