Connect with us

News

Buhari zai ziyarci Zamfara gobe Alhamis

Published

on

Daga kabiru basiru fulatan

 

 

Gwamna Bello Matawalle na Zamfara ya baiyana cewa Shugaban Ƙasa Muhammadu Buhari zai ziyarci jihar a gobe Alhamis.

Gwamnan ya baiyana hakan ne a yayin wani taron gaggawa da ya yi da ɗaukacin masu rike da muƙaman siyasa a zauren majalisar zartsawar jihar a ranar Talata da daddare.

A cewar Matawalle, makasudin ziyarar shugaban kasar shine jajantawa kan hare-haren ta’addancin da a ka kai ƙananan hukumomin Anka da Bukkuyum, inda aka kashe mutane da dama.

Matawalle ya ce: “An shirya komai don ganin an tarbi shugaban cikin nasara.

“Ina so in sanar da daukacin al’ummar Jihar Zamfara cewa Babban Kwamandan Tarayyar Najeriya zai zo Zamfara a ranar Alhamis, musamman domin ziyarar jajantawa kan hare-haren da ‘yan bindiga suka kai a kananan hukumomin Anka da Bukkuyum na jihar. .”
Gwamnan ya bukaci ɗaukacin al’ummar jihar da su kasance masu bin doka da oda yayin ziyarar shugaban ƙasar.

Share
Click to comment

Leave a Reply

Your email address will not be published. Required fields are marked *

Advertisement
Advertisement