Connect with us

News

Kungiyar Tarayyar AfirkaTa Kira Taron Gaggawa Kan Juyin Mulkin Gabon

Published

on

DAGA YASIR SANI ABDULLAHI

Sojojin Gabon sun sanar cewa a ranar Laraba za su sanar da wanda zai jagoranci kasar, a yayin da kungiyar tarayyar Afirka (AU) ta kira taron gaggawa kan juyin mulkin kasar.

Kwamandan rudunar tsaron shugaban kasar, Brice Oligui Nguema, ya sanar cewa Janar-janar din sojin kasar za su yi zama a ranar inda za su ayyana wanda zai jagoranci gwamnatin sojin.

Advertisement

Babbar matsalar dake damun matasa a wannan lokaci shine batun rashin aikinyi-Masani

Hakan kuwa na zuwa ne a daidai lokacin da shugaban kwamitin zaman lafiya na kungiyar AU Willy Nyamitwe ya sanar a ranar cewa za su yi taron gaggawa a da kasashen Burundi, Senegal da Kamaru kan lamarin kasar Gabon.

Ya yi jawabin ne bayan hamɓararren Shugaban Gabon, Ali Bongo ya roƙi ƙasashen duniya su kawo ɗauki bayan sojojin ƙasar sun yi masa juyin mulki.

Sai dai wasu jama’ar kasar na ta murna inda suka fito kan titunan birnin Brazeville tare da sojojin suna rera taken kasar da kuma yaba wa sojojin bisa juyin mulkin.

Advertisement
Wani bidiyo ya nuna daruruwan sojoji cikin murna sun daga kwamandan rundunar tsaron fadar shugaban kasar a kafadunsu, suna masa kirarin ‘Shugaban Kasa’ jim kadan bayan kifar da gwamnati da kuma tsare Mista Bongo.

Sojojin sun tsare Ali Bongo a Fadar Shugaban Kasa, inda daga nan ake kyautata zaton ya fitar da saƙon bidiyon da yake neman ɗaukin.

“Ina kira ga duk abokan ƙasarmu a faɗin da cewa su yi magana a kan abin da ke faruwa (…) kan waɗannam mutane da suka tsare Ni tare da iyalaina.” in ji shi a cikin bidiyon da aka gan shi cikin tsananin damwua.

Ya bayyana cewa ana tsare da shi ne a cikin gidansa, amma matarsa da ɗansa kuma suna tsare a wani waje daban.

Advertisement

Karon farko ke nan da aka ji ɗuriyar Bongo wanda sojoji suka hamɓarar ’yan sa’o’i bayan ya lashe zaɓen da zai fara wa’adin mulkinsa na uku, bayan ya gaji mahaifinsa a 2009.

Share
Advertisement
Click to comment

Leave a Reply

Your email address will not be published. Required fields are marked *