Connect with us

News

Gwamnatin Jiha Ta Bada Umarnin Rufe Kwalejin Fasaha 

Published

on

DAGA MUHAMMAD MUHAMMAD ZAHRADDIN

 

Gwamnatin jihar Osun ta bayar da umarnin rufe Kwalejin Fasaha ta Jihar Osun da ke Iree Campus na tsawon makonni biyu.

Advertisement

Umurnin rufewar na zuwa ne biyo bayan dawowar shugaban kwalejin fasahar da aka dakatar, Tajudeen Odetayo.

Wasu masu garkuwa da mutane suka yi garkuwa da mutane 19 a A Abuja

Gwamnatin jihar ta bayar da umarnin rufewar ne a wata sanarwa da kwamishinan ilimi, Dipo Eluwole ya sanyawa hannu a ranar Alhamis.

“Wannan ne don sanar da jama’a, musamman ma’aikata da daliban kwalejin fasaha ta jihar Osun dake Iree da su ci gaba da hutun makonni,ba tare da bata lokaci ba.

Advertisement

“Hukuncin nan da nan ya zama wajibi domin a samu zaman lafiya a cikin kwalejin fasahar sakamakon komawar shugaban da aka dakatar na kwalejin fasahar, Dr. T.A. Odetayo.

“Ya kamata jama’a su kuma lura cewa an daskarar da asusun Makarantar ba tare da bata lokaci ba kuma ya zama wajibi kowa ya ba da cikakken hadin kai tare da bin wadannan umarnin.”

Ku tuna cewa gwamnatin jihar ta dakatar da Odetayo ta wata wasika mai dauke da sa hannun babban sakataren ma’aikatar ilimi, Kehinde Jimoh, a ranar 24 ga watan Yuli, 2023 bisa zargin almubazzaranci da kudade da kuma yin amfani da ofishinsa.

Advertisement

An maye gurbinsa da Alabi Kehinde wanda aka nada a matsayin mukaddashin kwalejin fasahar.

Jaridar DAILY POST ta rawaito cewa shugaban da aka dakatar, Tajudeen Odetayo ya koma bakin aiki da safiyar ranar Alhamis a matsayin Rector.

Odeyato ya dauki matakin ci gaba da aiki ne biyo bayan umarnin kotun masana’antu ta kasa, reshen Ibadan wadda ta sake nada shi a matsayin Rector.

Advertisement

Da yake yanke hukunci kan kudirin, Mai shari’a Opeloye Ogunbowale ya ba da umarnin wucin gadi da ya haramta wa Gwamna Adeleke da wasu mutane 14 nada shugaban makarantar kwalejin fasahar.

Mai shari’a Ogunbowale ya kuma umarci Adeleke da sauran wadanda ake kara da su ci gaba da daukar mataki kan hukumar har zuwa lokacin da za a saurari karar a ranar 10 ga watan Oktoba, 2023.

Alkalin ya bayar da umarnin a ba da sanarwar sauraren karar ga duk wadanda ake kara kafin ranar da za a dage sauraren karar.

Advertisement

A halin da ake ciki, mukaddashin shugaban kwalejin fasahar Kehinde Alabi ya yi kira ga al’ummar kwalejin da su kwantar da hankalinsu.

Alabi ya bukaci ma’aikata da daliban makarantar da kada su mika kansu ga duk wata barazana, sai dai su tabbatar da zaman lafiya da kwanciyar hankali.

A cikin wata sanarwa da ya sanyawa hannu da kansa a ranar Alhamis, Alabi ya ce, “Gwamnatin jihar na duba lamarin kuma za a ci gaba da aiwatar da hukuncin kotu.”

Advertisement

Wasu masu garkuwa da mutane suka yi garkuwa da mutane 19 a A Abuja

Wani labarin kuma Rashin wutar lantarki da ake fama dashi tun kafin yanzu ya kara tsananta jiya a nan Jihar Kano, A yayin da kanfanin rarraba hasken wutar lantarki na KEDCO ya tsayar da aiyukansa kacokan, Lamarin da ya haifar da daukewar lantarki baki daya a cikin birnin Kano.

Wata sanarwa da shugaban sashin sadarwar kanfanin, Sani Bala Sani ya fitar, Ya alakanta daukewar wutar lantarkin da yin biyayya ga umarnin kungiyar kwadago ta kasa na tafiya yajin aikin gargadi na tsawon kwanaki biyu.

Advertisement

Sanarwar da aka wallafa a shafin X na kanfanin, Ta baiyana cewar za’a cigaba da fuskantar matsalar daukewar wutar lantarkin, kasancewar yajin aikin gargadin zai ci gaba da kasancewa a yau Laraba.

Shima mataimakin shugaban kungiyar kwadago ta kasa reshen jihar Kano, Kwamared Ado Riruwai, ya tabbatar da cewar kungiyarsu ta rufe dukkanin wasu ofisoshin gwamnati dake jihar Kano, domin tabbatar da yajin aikin gargadin.

Share
Advertisement
Click to comment

Leave a Reply

Your email address will not be published. Required fields are marked *