Connect with us

News

Kungiyoyin kwadago suna duba yiwuwar janye batun tafiya yajin aiki bayan ganawa da gwamnatin tarayya 

Published

on

DAGA KABIRU BASIRU FULATAN

Kungiyoyin kwadago na NLC da TUC suna duba yiwuwar janye yajin aikin sai Baba ta gani da suka tsara tafiya a ranar Talata 3 ga wannan watan da muke a ciki.

Da yammacin yau lahadi jagororin kungiyar suka shiga tattaunawar bayan labule da gwamnatin tarayya, zaman daya kwashe kusan awanni hudu ana tafka mahawara.

Advertisement

kungiyar kwallon kafa ta Liverpool Ta Sayar Da Wani Bangare Na Hannun Jarinta

Bayan taron kungiyoyin sun kirawo taron gaggawa na membobin kungiyar bakidaya gobe litinin inda zasu yi nazarin alkawuran da gwamnati ta dauka da kuma wasu daga cikin bukatun gwamnati a gare su ciki har da batun janye batun tafiya yajin aikin.

 

Alkawuran Gwamnatin ta dauka

Advertisement

1-Gwamnatin Tarayya ta sanar da Naira 35,000 kacal a matsayin albashi na wucin gadi ga duk ma’aikatan gwamnatin tarayya na tsawon watanni 6.

2-Gwamnatin Tarayya zata gaggauta samar da motocin bas din da ake amfani da iskar gas (CNG) don saukaka matsalolin sufurin jama’a da ke da nasaba da cire tallafin PMS.

3-Gwamnatin Tarayya zata samar da kudade ga kananan masana’antu.

Advertisement

4-Za a bar harajin VAT akan Man Gas har na tsawon watanni 6 masu zuwa.

5-Gwamnatin Tarayya za ta fara biyan N75,000 ga gidaje miliyan 15 akan Naira 25,000 duk wata, na tsawon watanni uku daga Oktoba zuwa Disamba 2023.

Wani labarin kuma kungiyar kwallon kafa ta Liverpool Ta Sayar Da Wani Bangare Na Hannun Jarinta

Advertisement

 

A yayin da ake cigaba da samun cikas wajen balaguro a filin jirgin sama na Murtala Muhammed dake Legas, biyo bayan komawar da kamfanonin jiragen sama na kasashen waje suka yi zuwa sabuwar tashar jiragen sama, gwamnatin tarayya ta gayyaci kamfanonin jiragen sama na kasashen waje zuwa wani taro a yau.

 

Advertisement

A sakamakon haka, kwamitin da ministan harkokin sufurin jiragen sama, Festus Keyamo ya kafa domin duba rudanin tafiye-tafiye a filin jirgin sama naMurtala Muhammad da kwamitin ministoci zai gana da masu ruwa da tsaki a domin nemo bakin zaren da warware matsalar.

 

Fasinjojin kasa da kasa da suka tashi daga Najeriya a ranakun Laraba da Alhamis sun makale a biranen Legas da Cairo da Doha da Landan, da sauran wurare bayan da madaurin kaya na jirgi ya lalace a sabon filin jirgin saman Murtala Muhammed da ke Legas, al’amarin da ya tilastawa kamfanonin jiragen sama jinkirtawa tare da soke tashin jirage.

Advertisement

 

Har yanzu zuwa karshen mako matsalar tafiye-tafiye na ci gaba da wanzuwa inda fasinjojin ke kwashe sa’o’i a kan layi domin tantance su ta hanyar binciken tsaro

Share
Advertisement
Click to comment

Leave a Reply

Your email address will not be published. Required fields are marked *