Connect with us

Business

CBN Ya Yi Wa Bankuna Ƙarin Jarin Da Za Su Mallaka zuwa Naira biliyan 500. 

Published

on

Spread the love

DAGA YASIR SANI ABDULLAHI 

Babban Bankin Najeriya (CBN), ya kara adadin kuɗin da bankunan kasuwanci za su mallaka a matsayin jari zuwa Naira biliyan 500.

CBN, ya ce dole ne kowane banki da ke hada-hada har a ƙasashen ƙetare ya kasance yana da jarin da bai gaza Naira biliyan 500 ba.

Advertisement

Tsadar Rayuwa : Yadda Mutum 10 Suka Rasu A Wajan Turmutsitsin Rabon Tallafi Da Zakka A Bauchi Da Nasarawa

Wannan na kunshe ne cikin wata takardar da daraktan sashen tsare-tsare da sanya ido kan ka’idojin kudi, Haruna Mustafa, ya sanya wa hannu.

CBN, ya bai wa bankunan kasuwanci da sauran cibiyoyin hada-hadar kudi wa’adin watanni 24 domin cika wannan ka’ida.

Wannan wa’adi zai fara aiki daga ranar 1 ga watan Afrilu, 2024, zuwa watan 31 ga Maris, 2026.

Advertisement

Bankunan da hada-hadarsu iya Najeriya ta tsaya, na buƙatar mafi ƙarancin jari na Naira biliyan 200 domin cikar ka’idar da CBN ya gindaya.

Kazalika, sanarwar ta bayyana cewa ya zama wajibi bankunan da ke aiki a yankunan kasar nan su zama suna da jarin da bai gaza Naira biliyan 50 ba.

Ya kuma bayyana cewa bankin da ke son ya rika aiki a fadin Najeriya ba tare da karbar kudin ruwa ba na bukatar jari na Naira biliyan 20.

Advertisement

Bankin da zai rika aiki a wani yanki guda na kasar nan, na bukatar jarin da bai gaza biliyan 10 ba.

Aminiya ta gano an shafe shekara 19 rabon da a yi wa bankuna karin kudi game da jarinsu.

Sanarwar ta bai wa bankuna shawarar hadewa domin tabbatar da samun jari mai kauri da kyautata ayyuka ga abokan hulɗars

Advertisement
Advertisement
Click to comment

Leave a Reply